ஆன்லைனில் மகளிர் விடுதிகள் உரிமம் வழங்கும் முறை | மதுரை கலெக்டர் தகவல்

அரசாணை (நிலை) எண்.31, சமூகநலம் மற்றும் சத்துணவுத்துறை, நாள்.26.06.2014-ன்படி அனைத்து பணிபுரியும் மகளிர் விடுதிகளும் தமிழ்நாடு விடுதிகள் சட்டம் 2014-ன் கீழ் மாவட்ட சமூகநல அலுவலகத்தில் பதிவு செய்து உரிமம் வழங்கப்பட்டு வருகிறது.

சமூகநல இயக்குநர், சமூகநல இயக்குநரகம், சென்னை அவர்களின் 27.06.2022 அன்றைய கடிதத்தின்படி, மதுரை மாவட்டத்தில் செயல்படும் அனைத்து பணிபுரியும் மகளிர் விடுதிகளும் 01.07.2022 முதல் ஆன்லைனில் https://tnswp.com-என்ற முகவரியில் பதிவு செய்து உரிமம் பெற தகவல் தெரிவிக்கப்பட்டுள்ளது.

இதன்படி, பணிபுரியும் மகளிர் விடுதிகள் உரிமம் பெற மேற்கண்ட ஆன்லைன் முகவரியில் 01.07.2022 முதல் பதிவு செய்து உரிமம் பெறலாம் என மாவட்ட ஆட்சியர் எஸ்.அனீஷ் சேகர் தெரிவித்துள்ளார்.